نیروهای هوایی حکومت پیشین به امریکا منتقل می‌شوند

نیروهای هوایی حکومت پیشین به شمول بیش از ۱۵۰ خلبان که پس از سقوط به تاجیکستان فرار کرده بودند به قطر و سپس به امریکا منتقل می‌شوند.

رسانه‌های غربی گزارش داده که خلبان‌های فراری روز گذشته به میدان هوایی دوشنبه، پایتخت تاجیکستان آورده شده بودند و ظاهراً منتظر پروازی بودند که توسط دولت ایالات متحده برای بیرون کردن آنان ترتیب شده بود.

یکی از افغان‌هایی که تمام روز را در میدان هوایی سپری کرده بود و نخواست نامش به رویترز گفته شود گفت: “ما امیدواریم که به زودی از اینجا بیرون شویم.”

سفارت ایالات متحده در دوشنبه تاکنون از ارایه معلومات در مورد خروج این افغان ها خودداری کرده است.