عمران‌خان: مذاکرات با طالبان را درباره تشکیل یک‌ دولت فراگیر آغاز کرده‌ام

  • انتشار: ۲۷ سنبله ۱۴۰۰
  • سرویس: بین المللسیاست
  • شناسه مطلب: 120931

عمران خان نخست وزیر پاکستان در توییتی از آغاز گفتگو با طالبان برای ایجاد دولت فراگیر در افغانستان خبر داد.

عمران خان در توییتی نوشت: پس از مذاکرات در دوشنبه با رهبران همسایگان افغانستان و به ویژه گفت‌وگوی طولانی با امامعلی رحمان، رئیس جمهور تاجیکستان، من با طالبان گفتگو برای یک دولت فراگیر در افغانستان شامل تاجیک‌ها، هزاره‌ها و ازبک‌ها را آغاز کرده‌ام.

این در حالی است که در رئیس‌جمهور تاجیکستان روز گذشته در نشست شانگ‌های از آمادگی این کشور برای میزبانی مذاکرات میان طالبان و جبهه پنجشیر خبر داد.

امام‌علی رحمان، رییس جمهور تاجیکستان، این موضوع را در نشست خبری با عمران خان مطرح کرد. وی گفت که تاجیکستان و پاکستان همه تلاش خود را برای رسیدن به این هدف انجام می‌دهند.

عمران خان نیز نزاع پنجشیر را نگران‌کننده توصیف کرد و افزود که تاجیکستان از طریق تاجیک‌ها و پاکستان از طریق پشتون‌ها که به باور وی، دولت طالبان است، تلاش‌های خود را برای حل این معضل از راه گفتگو انجام خواهند داد.

نخست‌وزیر پاکستان از افغان‌ها خواست که یک دولت همه‌شمول را ایجاد کنند که همه اقوام را شامل شود؛ زیرا به باور او، تأمین صلح تنها با حضور گروه‌های قومی متناسب با جایگاه‌شان در دولت، ممکن است.

نظرات(۰ دیدگاه)

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *