طالبان 4 پلیس تاجیکستان را به اسارت گرفت

  • انتشار: ۳۰ قوس ۱۳۹۳
  • سرویس: سیاست
  • شناسه مطلب: 2122

به گزارش خبرگزاری اطلس به نقل از العربیه مقام‌های امنیتی ولایت کندز افغانستان روز شنبه ۲۰ دسامبر ۲۰۱۴ اعلام کردند، چهار پلیس کشور تاجیکستان به اسارت طالبان در آمدند.

براساس گزارش شماری از رسانه‌های افغانی، سید سرور حسینی، سخنگوی فرماندهی پلیس ولایت کندز گفت، گروه طالبان چهار پلیس تاجیکستان را از مرز افغانستان در ولسوالی «امام صاحب» این کشور به اسارت گرفته است.

حسینی افزود: «این افراد زمانی بازداشت شدند که اسلحه با خود نداشتند و مشغول قطع درخت و جمع آوری چوب در خاک افغانستان بودند.»
سخنگوی فرماندهی پلیس کندز گفت، تلاش‌های پلیس برای رهایی این افراد از قید طالبان آغاز شده است.

مقام‌های دولتی کشور تاجیکستان و گروه طالبان هنوز در این زمینه اظهار نظری نکرده‌اند.

ولایت کندز درشمال افغانستان از جمله ولایت‌های ناامن به شمار می‌رود که گروه طالبان در شماری از مناطق این ولایت فعالیت دارد.