دو تبعه افغان حین ورود غیر قانونی به تاجیکستان از سوی پولیس این کشور کشته شد

  • انتشار: ۷ جدی ۱۳۹۵
  • سرویس: اجتماعی
  • شناسه مطلب: 16533

دو تبعه افغان و شهروند ولایت تخار که شب گذشته قصد ورود غیر قانونی به تاجیکستان را داشتند از سوی مرزبانان تاجیک مورد هدف قرار گرفت و کشته شدند.

خلیل اسیر سخنگوی قوماندانی پولیس تخار می‌گوید، این افراد که می‌خواستند شب هنگام بگونه غیر قانونی وارد خاک تاجیکستان شوند، از سوی نیروهای این کشور حوالی ساعت سه صبح امروز به گمان آنکه قاچاقبران مواد مخدر هستند، هدف قرار گرفتند.

اسیر می گوید “این دو تن باشند‌گان درقد ولایت تخار بودند و ساعت سه دیشب هنگامیکه از دریای آمو عبور می‌کنند، از سوی مرزبانان تاجیکستان مورد تیر اندازی قرار گرفته اند، گمان بر این بوده است که گویا قاچاقبر بوده‌اند، درحالیکه از نزد آنها که جسد هایشان را تسلیم دادند مواد مخدر و یا شواهدی به دست نیامده است.”

به گفته آقای اسیر در ماه های گذشته نیز دو تبعه افغان که قاچاقبران مواد مخدر گفته شده بودند و هدف ورود به تاجیکستان را داشتند، پس از درگیری با نیروهای سرحدی تاجیکستان کشته شده بودند.