باشندگان ۲۰ ولایت، بیش از ۶۰۰ میلیون افغانی به وزارت معارف کمک کردند

  • انتشار: ۴ عقرب ۱۳۹۸
  • سرویس: اجتماعی
  • شناسه مطلب: 70400

وزارت معارف اعلام کرد که باشنده‌های ۲۰ ولایت کشور، بیش از ۶۰۰ میلیون افغانی به این وزارت کمک کرده است.

به گفته این وزارت در شش ماه نخست سال جاری، باشندگان ولایت های خوست، دایکندی، کاپیسا، وردک، سرپل، بامیان، پنجشیر، سمنگان ، بادغیس، قندهار، بلخ، نیمروز، شهر و ولایت کابل، هلمند، جوزجان، لوگر، هرات، پکتیا و پکتیکا، ۶۶۲ میلیون و ۶۶۱ افغانی به معارف کمک کرده اند.

وزارت معارف افزوده این کمک‌ها که در بخش اهدای بیش از ۳۷۰ جریب زمین، ترمیم مکاتب، اهدای لوازم درسی و پول نقد صورت گرفته، از سوی شورای مکاتب جمع آوری شده است.

این وزارت تاکید کرده که این کمک‌ها از سوی افراد معارف دوست در همکاری با شوراهای مکتب به گونه شفاف به مصرف رسیده و افراد کمک کننده از چگونگی مصرف کمک‌های خود نظارت داشته اند.