رئیس‌ جمهور تاجیکستان: در افغانستان ده‌ها هزار «انتحاری» در حال آموزش هستند

رئیس جمهور تاجیکستان در نشستی با سران روسیه و کشورهای آسیای میانه از حضور شبه نظامیان و نیروهای انتحاری در مرزهای این کشور در افغانستان خبر داد.

امامعلی رحمان رئیس‌جمهور تاجیکستان، روز جمعه ۲۲ میزان، در نشستی با سران روسیه و کشورهای آسیای میانه از حضور شبه‌نظامیان و «نیروهای انتحاری» در مرزهای افغانستان ابراز نگرانی کرد.

او گفت: در افغانستان ده‌ها هزار «مجاهد» به شمول «بمب‌گذاران انتحاری» آموزش می‌بینند.

امامعلی رحمان افزود: ما شاهد گسترش فعالیت گروه‌های مختلف تروریستی و افراطی در افغانستان هستیم.

او در این نشست که رئیسان جمهور روسیه، قرقیزستان، ترکمنستان و ازبیکستان حضور داشتند گفت: بیش از ۱۲ گروه تروریستی در افغانستان حضور دارند.