پاکستان ۳۰ شهروند افغانستانی را از زندان آزاد کرد

  • انتشار: ۱۷ عقرب ۱۴۰۱
  • سرویس: امنیت و حوادث
  • شناسه مطلب: 134167

سفارت افغانستان در پاکستان اعلام کرده است که ۳۰ تن از شهروندان افغان که در شهر کراچی زندانی بودند، آزاد شده‌اند‌.

این شهروندان افغان روز دوشنبه، ۱۶ عقرب، از زندان‌های پاکستان آزاد شده و به افغانستان انتقال یافته‌اند.

این شمار از شهروندان افغانستان به دلیل نداشتن اسناد قانونی اقامت از سوی پولیس پاکستان بازداشت شده بودند.

سفارت افغانستان در پاکستان که زیر اداره طالبان است، می‌گوید که این افراد در نتیجه تلاش‌های دیپلوماتیک آزاد شده‌اند.

پیشتر گزارش شد که صدها شهروند افغانستان به‌شمول زنان و کودکان به دلیل نداشتن اسناد قانونی اقامت، در زندان‌های پاکستان به‌سر می‌برند.

نظرات(۰ دیدگاه)

نظر شما چیست؟