ویزای توریستی آمریکا برای شهروندان افغانستان صادر میشود

سفارت امریکا در تاجیکستان اعلام کرده است که پس از این شهروندان افغانستان، روسیه، ایران و کشورهای دیگر می‌توانند ویزای سفر به امریکا را از شهر دوشنبه بگیرند.

به نقل از ۸ صبح، سفارت ایالات متحده امریکا در تاجیکستان روز چهارشنبه، ۱۱ عقرب، در برگه فیس‌بوکش این موضوع را اعلام کرده است.

به گفته مسوولان سفارت امریکا در شهر دوشنبه، پایتخت تاجیکستان، از اول نوامبر سال جاری شهروندان افغانستان، روسیه و ایران می‌توانند برای دریافت ویزای غیرمهاجرتی، یعنی ویزای سفرهای توریستی، دیدار با بسته‌گان و دوستان و یا مداوا، به سفارت امریکا در تاجیکستان مراجعه کنند.

این در حالی است که سفارت امریکا در کابل و تهران مسدود است و همچنان امریکا صدور ویزا را در روسیه محدود کرده است.