وحید عمر: منتظر آمادگی طالبان و چین برای برگزاری نشست بین الافغانی هستیم

«وحید عمر»، مشاور ارشد رییس جمهور در امور روابط عامه و استراتژیک، برای مشارکت حکومت در نشست صلح بیجینگ اعلام آمادگی کرد.

عمر امروز در کنفرانس شبه‌سازی سازمان ملل در کابل خاطر نشان کرد: ما فهرست اشتراک کنندگان نشست بین‌الافغانی بیجینگ را به کشور جمهوری خلق چین فرستاده‌ایم.

مشاور ارشد رییس جمهور همچنین اضافه کرد: امروز زمزمه‌های وجود دارد که گویا حکومت افغانستان در نشست صلح بیجینگ شرکت نمی‌کند. نه خیر، حکومت افغانستان آماده اشتراک در نشست بین‌الافغانی صلح بیجینگ است و فهرست اشتراک کنندگان آن که از سوی حکومت اسلامی افغانستان تهیه شده را به کشور چین روان کرده است ما منتظر اعلام آمادگی طالبان و کشور میزان می‌باشیم.

گفتنی است، نشست بین‌الافغانی میان گروه طالبان و حکومت افغانستان قرار بود یک ماه قبل در چین برگزار شود که به دلایل نامعلوم به تعویق افتاد و تا هنوز تاریخ دقیق برگزاری آن مشخص نشده است.