رئیس جمهور غنی در مراسم فاتحه شهدای یحیی خیل ولایت پکتیکا، اشتراک کرد

محمد اشرف غنی رئیس جمهوری اسلامی افغانستان بعد از ظهر امروز در مراسم فاتحه خوانی شهدای حادثه تروریستی یحیی خیل ولایت پکتیکا که در مسجد جامع عیدگاه شهر کابل برگزار گردیده بود، اشتراک کرد.

رئیس جمهور اسلامی افغانستان ضمن اتحاف دعا بر روح شهدای این حادثه المناک، تسلیت و غمشریکی خویش را به خانواده و دوستان شهدای پکتیکا ابراز نمود و برای شهدا جنت برین و به بازماند گان شان صبر جمیل از بارگاه ایزد متعال استدعا کرد.
در مراسم فاتحه، برعلاوهء رئیس جمهوری اسلامی افغانستان، شماری از اعضای کابینه و شورای ملی، مسئولین بلند رتبه دولتی، جنرالان و افسران قوای مسلح،  خانواده های شهدا و صدها تن از شهروندان کابل، اشتراک کرده بودند.