دیدار رئیس امنیت ملی و رئیس جمهور تاجیکستان

  • انتشار: ۲۷ ثور ۱۳۹۶
  • سرویس: تیتر 2سیاست
  • شناسه مطلب: 22626

امامعلی رحمان رئیس جمهور تاجیکستان با معصوم استانکزی رئیس اداره عمومی ملی، دیدار و بر مبارزه مشترک با تروریسم تأکید کردند.

امامعلی رحمان رئیس جمهور تاجیکستان ساعتی قبل در «کاخ ملت» شهر «دوشنبه» با «محمد معصوم استانکزی» رئیس اداره امنیت ملی افغانستان دیدار کرد.

در این دیدار طرفین بر گسترش مناسبات بین دولت‌های تاجیکستان و افغانستان تأکید کردند.

بررسی تقویت مبارزه مشترک و شدید علیه تروریسم و افراط‌گرایی، قاچاق مواد مخدر و همکاری مؤثر در راستای تقویت مرزهای تاجیکستان و افغانستان از مسائل محوری این دیدار بود.

رحمان و استانکزی همچنین در مورد از سرگیری اقدامات مؤثر برای تقویت همکاری‌های مرزی، تقویت نیروهای مرزبانی، هماهنگی بیشتر نیروهای مرزی برای تأمین امنیت ملی 2 کشور و تقویت همکاری نهادهای امنیتی تاجیکستان و افغانستان تبادل نظر کردند.

این دیدار در حالی صورت می‌گیرد که اخیرا طالبان عملیات‌های جنگی خود را در مناطق مرزی افغانستان و تاجیکستان افزایش دادند.

نظرات(۱ دیدگاه)

نظر شما چیست؟