توافقنامه ترانزیتی افغانستان، تاجیکستان و پاکستان

به زودی توافقنامه ترانزیتی میان افغانستان، پاکستان و تاجیکستان امضا خواهد شد.

سید رحمان نظروف، معاون وزارت اقتصاد و تجارت تاجکستان، در نشست نمایندگان افغانستان، پاکستان و تاجیکستان در دوشنبه، از امضای توافقنامه ترانزیتی سه کشور خبر داد.

با امضای این توافقنامه میزان تجارت سه کشور به پنج میلیارد دالر خواهد رسید. هم اکنون نمایندگان اقتصادی و تجاری این سه کشور در دوشنبه، پایتخت تاجیکستان هستند.

با امضای این سند همکاری، پاکستان کالای تجاری خود را از طریق افغانستان به آسیای میانه انتقال خواهد داد.

اتاق تجارت و صنایع افغانستان اما با انتقاد از این توافقنامه گفته است این توافقنامه هیچ سودی برای افغانستان ندارد و تنها منفعت پاکستان در آن لحاظ شده است.

گفتنی است که افغانستان در حال حاضر مشکلات فراوانی در بحث ترانزیت کالا در بندرهای واگه و کراچی پاکستان دارد.