وزیر داخله تاجیکستان: طالبان به بیش از سه هزار تروریست پاسپورت داده‌اند

  • انتشار: ۲۸ میزان ۱۴۰۱
  • سرویس: بین المللتیتر 1
  • شناسه مطلب: 133758

وزیر داخله تاجیکستان مدعی شده که طالبان تاکنون به بیش از سه هزار «اعضای گروه‌های تروریستی» پاسپورت افغانستان را صادر کرده‌اند.

رمضان رحیم‌زاده، وزیر داخله تاجیکستان، این موضوع را روز چهارشنبه، ۲۷ میزان، در نشست «همکاری بین‌المللی و منطقه‌ای امنیت و مدیریت مرزها برای مقابله با تروریسم» بیان کرده است.

رحیم‌زاده خطاب به اشتراک‌کننده‌گان این نشست تاکید کرده است: «این وضعیت یک‌بار دیگر خطر رژیم طالبان را تایید می‌کند  و مشکلات افغانستان باید در کانون توجه همه باشد.»

در مراسم افتتاحیه این نشست، امام‌علی رحمان، رییس‌جمهور تاجیکستان، نیز گفته بود که ده‌ها هزار «مجاهد و انتحاری» در افغانستان آموزش می‌بینند.

گفتنی است که این نشست دو روزه با همکاری سازمان امنیت و همکاری اروپا، تاجیکستان، دفتر مبارزه با تروریسم سازمان ملل، اتحادیه اروپا، عربستان سعودی و قطر در شهر دوشنبه، پایتخت تاجیکستان، برگزار شده است.

تاکنون سخنگویان و مقام‌های طالبان درباره اظهارات مقام‌های تاجیکستان در این نشست اظهار نظر نکرده‌اند.

نظرات(۰ دیدگاه)

نظر شما چیست؟