نماینده روسیه: به‌رسمیت‌شناختن طالبان در دستور کار نشست مسکو نیست

نماینده ویژه روسیه در امور افغانستان می‌گوید، به رسمیت شناختن حکومت گروه طالبان در دستور کار نشست مشورتی مسکو نیست.

ضمیر کابلوف، نماینده ویژه‌ رییس جمهور روسیه در امور افغانستان به تازگی گفته است که به رسمیت شناختن حکومت گروه طالبان در دستور کار نشست مشورتی مسکو نیست.

وی افزوده که به‌رسمیت‌شناسی حکومت گروه طالبان هنوز زود است.

گفتنی است نشست مشورتی مسکو با حضور نماینده‌گان روسیه، هند، ایران، قزاقستان، قرقیزستان، چین، تاجیکستان، ترکمنستان، اوزبیکستان و پاکستان قرار است در ۷ میزان، در شهر کازان تاتارستان برگزار شود.