فرمانده سنتکام: هواپیمای انتقال‌یافته به تاجیکستان به افغانستان برگردانده نمی‌شوند

  • انتشار: ۳۱ جوزا ۱۴۰۱
  • سرویس: بین المللتیتر 1
  • شناسه مطلب: 131316

ایالات متحده امریکا گفته است که هواپیماهای نظامی را که به اردوی پیشین افغانستان داده بود و در جریان سقوط حکومت پیشین به تاجیکستان انتقال یافته‌اند، شاید به تاجیکستان تحویل بدهد.

پیلوت‌های قوای هوایی حکومت پیشین افغانستان که توسط ایالات متحده امریکا آموزش دیده بودند، در هنگام سقوط افغانستان به دست طالبان ده‌ها بال هواپیما و هلیکوپتر نظامی را به تاجیکستان و ازبیکستان انتقال دادند.

طالبان از این دو کشور خواسته‌اند که این هواپیماها را دوباره به افغانستان برگردانند.

جنرال مایکل کوریلا، فرمانده فرماندهی مرکزی ایالات متحده امریکا در اخیر هفته از تاجیکستان دیدار کرد. او در اظهاراتی که توسط سفارت امریکا نشر شده، گفته است: «ما از نیروی هوایی جمهوری تاجیکستان سپاسگزاری می‌کنیم که به حفاظت از هواپیماهای که نیروی هوایی افغانستان در ماه آگست سال گذشته به این کشور با خود پرواز داده بودند، ادامه می‌دهد.»

کوریلا افزود که «ایالات متحده امریکا با حکومت تاجیکستان همکاری می‌کند تا بهترین راه استفاده و نگهداری مؤثر از این هواپیماها را پیدا کند.»

این جنرال امریکایی تأکید کرد که این هواپیماها به هیچ صورت به افغانستان برگشت داده نخواهند شد، «چونکه به طالبان تعلق ندارند.»

او توضیح داد: «امید ما این است که بتوانیم بعضی یا همه این هواپیماها را به حکومت تاجیکستان واگذار کنیم. من زمان مشخصی برای این کار ندارم، اما ما با جدیت تلاش می‌کنیم که این امر عملی شود.»

رهبران گروه ۷ بر حمایت نظامی و مالی از اوکراین تا هر زمان که نیاز باشد تاکید کردند

نظرات(۰ دیدگاه)

نظر شما چیست؟