طالبان اظهارات رییس جمهور تاجیکستان را رد کرد

  • انتشار: ۲۱ جدی ۱۴۰۰
  • سرویس: سیاست
  • شناسه مطلب: 126278

بلال کریمی یکی از سخنگویان طالبان اظهارات امام علی رحمان رییس جمهور تاجیکستان مبنی بر موجودیت کمپ‌های تروریستی در خاک افغانستان، را رد کرده است.

این سخنگوی طالبان امروز سه‌شنبه (۲۱ جدی) در تویترش نوشته که ادعای رییس جمهور تاجیکستان که گویا کمپ‌های به اهداف تخریبی در مناطق مرزی افغانستان با تاجیکستان ایجاد شده، حقیقت ندارد و “ما با قاطعیت این ادعا را رد می‌کنیم.”

بلال کریمی تاکید کرده که طالبان به تمامی همسایه‌ها اطمینان می‌دهد که سرحدات ما محفوظ است و به شمول تاجیکستان هیچ کشور خارجی از خاک افغانستان تهدید نخواهد شد.

به گفته او، طالبان با تمام کشورها روابط نیک می‌خواهد.

او یاد آور شده که “برخی افراد مغرض، مخرب و فراری به جامعه جهانی به ویژه کشورهای همسایه معلومات غلط می‌دهند که به هیچ وجه درست نیست.”

این در حالی است که امام علی رحمان رییس جمهور تاجیکستان به روز دوشنبه (۲۰ جدی) در نشست ویژه پیمان امنیت جمعی از کشورهای عضو خواست که در اطراف افغانستان یک کمبرند امنیتی ایجاد کنند.

نظرات(۰ دیدگاه)

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *