رییس‌جمهور غنی عازم سویس شد

  • انتشار: ۳ دلو ۱۳۹۷
  • سرویس: تیتر 2
  • شناسه مطلب: 52802

رییس جمهور غنی، صبح امروز (3دلو) برای حضور در مجمع جهانی اقتصاد، به شهر داووس سویس سفر کرد.

ریاست جمهوری در یک خبرنامه گفته است، محمد اشرف غنی در رأس یک هیأت عالی‌رتبه دولتی، به منظور اشتراک در سومین روز اجلاس مجمع جهانی اقتصاد که به تاریخ ۲۴ جنوری برگزار می‌شود، عازم شهر داووس کشور سویس گردید.

در این اعلامیه آمده که رییس‌جمهور در جریان این سفر، در یک بحث با محوریت آینده‌ی اقتصاد افغانستان اشتراک می‌کند و در خصوص رشد اقتصادی و نقش بارز آن در اتصال منطقه‌ای صحبت خواهد کرد. همچنان او در ضیافتی که از سوی رییس مجمع جهانی اقتصاد برای رهبران اقتصادی جهان ترتیب می‌گردد، اشتراک می‌نماید.

این در حالی است که دو روز پیش، عبدالله عبدالله، رییس اجرایی حکومت افغانستان نیز عازم نشست مجمع جهانی اقتصاد گردید.