تاجیکستان: افغانستان تاکنون پول برق خود را نپرداخته است

  • انتشار: ۲۲ سرطان ۱۴۰۱
  • سرویس: بین المللتیتر 2
  • شناسه مطلب: 131669

محمدعمر آسوزاده، رئیس شرکت ملی برق تاجیکستان گفته است که افغانستان تاکنون بدهی برق وارداتی خود را نپرداخته است.

او روز سه‌شنبه ۲۱ سرطان، در یک نشست خبری گفته است که شرکت برق افغانستان برشنا، بدهی خود را به‌گونه‌ تدریجی می‌پردازد. او میزان بدهی افغانستان را اعلام نکرده است.
 
وی در ادامه خاطرنشان کرده است که تاجیکستان در حال حاضر روزانه نُه میلیون کیلووات برق در ساعت به افغانستان صادر می‌کند.
 
به گزارش آسیا پلاس، رئیس شرکت ملی برق تاجیکستان در ماه جنوری سال جاری میلادی اعلام کرده بود که افغانستان ۳۳ میلیون دالر از آن کشور بابت واردات برق بدهکار است.
 
شرکت برق افغانستان در آن زمان قول داده بود که بدهی برق خود را در ماه فبروری سال جاری به تاجیکستان پرداخت می‌کند.
 
براساس اطلاعات، تاجیکستان در سال گذشته در مجموع به هزینه‌ی ۵۶.۳ میلیون دالر برق به افغانستان صادر کرده است.
 
افغانستان به‌شدت متکی به برق وارداتی از کشورهای همسایه است.
 
برخی از ولایت‌ها از جمله کابل همواره در فصل گرما و سرما با کم‌بود برق مواجه می‌شود. در این دو فصل سال، برق پایتخت افغانستان به‌گونه‌ی نوبتی توزیع می‌شود.

مقتدی صدر تهدید کرد: پارلمان باید منحل شود

نظرات(۰ دیدگاه)

نظر شما چیست؟