فهرست شرکت‌کنندگان نشست قطر تعیین شد

شورای رهبری مصالحه اعضای هیات اشتراک کننده در نشست بین الافغانی با طالبان را مشخص کرد.

حاجی دین محمد معاون شورای عالی صلح امروز دوشنبه (26 حمل) گفت که 150 نفر از سیاسیون برجسته به شمول 40 زن در فهرست هیات حکومت گنجانیده شده اند.
به گفته وی این فهرست قبل از ظهر امروز در سومین نشست شورای مصالحه به ریاست رییس جمهور غنی نهایی شده و شماری از وزیران، والی‌ها، رهبران سیاسی از جمله محمد یونس قانونی معاون اول تیم صلح و اعتدال و حکمت خلیل کرزی نیز در این فهرست شامل اند.
این درحالی است که امروز دوشنبه (26 حمل/ 15 اپریل) نشست امریکا و طالبان در قطر برگزار شده است.